| Title: | Declaration, Henricus Appelius, In Latin |
|---|---|
| Dating: | 11 February 1640 [1641?] |
| Ref: | 23/5A-B: 5B BLANK |
[23/5A]
Mystis mystica conveniunt, secreta secrete habenda, et res maximi momenti plurimi faciendas esse ipsa ratio dictitat. Innumera sunt Dei opera, plena majestatis, utilitatis juxta ex obscuritatis, ingens percipit oblectamentum, qui attendit ad ea: multa divina hactenus de ijs [deletion] ipse Rerum Conditor diversis et temporibus et locis nobis revelavit, nec pauciora adhuc è suis abyssis eruenda, ex ab ipsa revelanda restant, quin et quotidie, hoc præsertim, nescio quid monstri alente et jam [jam ? MS edge torn] parturiente seculo, admiranda multa in suis operibus fidelibus serius suis benignus patefacit. Et prout res [deletion]<revelate> diviniores sunt, plusque commodi, ex legitimo usu, generi humano pollicentur, vel detrimenti, ex earum abusu omnibus minantur, ita à suis Inventoribus majori cum religione sunt tractatæ, celatæ ac manifestatæ propagatæque, ut hoc pacto ipsis sua semper illibata maneret[altered] majestas, ex existimatio, earumque mystæ majore cum timore DEI ac reverentia ijs uti, et quasi ex occulto <operantes> plus vulgo prodesse possent, et major denique Gloria illius Boni [Datori? altered] ab omnibus tribueretur. Cum ergo inter alia ex Perpetui cujusdam Mobilis extruendi ratio à rerum divinarum sagaci indagatore recenter sit inventa, ne illud ante tempus in vulgus erumpens gloriam ex existimationem suam nondum visum perderet, Inventori rem hanc inter amicos sacro sub silentio tantisper continere visum est, donec quæ ad fructuosissimam ejus propalationem spectant, quam rectissimè sint constituta: et dum hoc fit, necessarium est (ut prolixior ejus descriptio amicis communicari possit) amanuensium fideles ac taciturnus manus prius transeat; ne vel hac in parte rei aliquid fraudi fiat, operæ pretium fuit ab his similem fidelitatem et silentium exigere. Ego ergo Henricus Appelius cui hæc opera demandabitur, hac mea propria manu voveo et polliceor eam [deletion] fidem in hisce omnibus, quæ [virum?] honestum, in rebus honestis inter honestos occupatum decet[altered]; nihil deo eo vel ex toto vel ex parte, voce vel scripto, vel alio quovis modo, per me vel per alios, cuiquam vel intimo amico abique Principalium scita et consensa communicaturus, id quod hisce præsentibus citra fraudem præstandum, testatum volo.
Londini 11. Febr: 1640. Henricus Appelius
Mpp/