The Hartlib Papers

Magnifice et Amplissime Vir,

Dices nunc mihi; Quid egisti tanto tempore? an tempus est aliquando nostri meminisse? ego verò et meminisse Vos mei, quod ex literis ad communem nostrum Hirschmannum datis intellexi, gaudeo, et meis conatibus favere, mihique ex animo cupere, ex ante factis satis persuasum habeo, neque enim istorum, si vel ingratus sim, oblivisci possum. Hoc saltim doleo, deesse facultatem, quâ votis vestris respondeam. Mihi quoque bonæ horæ multæ, quin potius omnes, malè pereunt; sed est animi fortis, etiam illud ferre. Cæterùm manebo hîc, opinor, donec aliunde spes melior affulgeat. Interim cupio scire; an prodierit opusculum Domini Wardi, cujus mihi spem videndi fecerat. Illustrem Dominum Brereton, nec non generum tuum, Virum optimum, salvere plurimùm jubeo, meque Vobis diligenter commendatum cupio. Raptim Lutetiæ die Sabbathi anno 1656.

                               Vester humilimus

                                     Mercator.

Astronomica nostra propemodum

affecta ad umbilicum deducere

non licet. Paucis pagellis efficerem,

ut tabulis omnibus Astronomicis,

quarum moles est hodie non exigua,

in perpetuum carere possemus. Sed

committo ista Deo et tempori. Valete!

          For my much honoured

          Friend Mr Samuel

          Hartlib, at his house

          at Charring Crosse/.

               Westminster.