| Title: | Note On Longitude And Clocks, Nicolaus Mercator |
|---|---|
| Dating: | undated |
| Ref: | 56/1/44A-45B: 44B, 45A-B BLANK |
[56/1/44A]
De quodam, qui Longitudinem locorum
determinare exactè pollicetur, et
de optimo genere horologiorum automatorum.
1. Is qui Longitudines promittit, et præterea rationes æstûs, atque refluxûs maris, vocatur Iacob Aelsten, et jam invenisse rem totam asserit, et quod præmium illi, qui præstiterit, expectandum sit, sciscitatur.
2. Horologia automata minora optimæ notæ, quæ cæteris omnibus antecellunt certitudine et constantiâ, conficiuntur Genevæ, et catenulis intenduntur. Vidi ego istius generis, quæ si quotidie intenderentur solùm, integrum octiduum sibi et cælo constabant satis accurate, ita ut vix quadrante horæ aberrarent. Quorum meminisse operæ pretium erat.