Title: | Letter, Nicholas Mercator To Hartlib, In Latin |
---|---|
Dating: | [9?] June 1657 |
Ref: | 56/1/63A-B |
[56/1/63A]
Magnifice Hartlibi,
Ex quo redditæ mihi sunt vestra 18 Maji scriptæ, paro me seriò ad iter, ac licèt unâ forte die quis credat expediri potuisse, quæ me morantur, evaserunt tamen illi dies tres vel quatuor. Cras igitur, annuente Deo, hinc egrediar, quod paucissimis significandum duxi, ne penderetis animo, aut exiguam hanc moram ægrè ferretis. Quod restat, gratias Tibi, et Illustrissimo Brereton, quibus obstrictus sum un perpetuum. Sunt alij Viri egregij, qui similem conditionem non recusarent, utpote Dominus Borel, quem Te præeunte salutare mihi contigit. Is veniet in Angliam itidem [vocatus? hole in MS], ut ego, quemadmodum mihi retulit Mauritius nostras, quo de antè scripsi.
Videor mihi tranquillitatem nacturus, ut tandem aliquando fruar me ipso, nam suave est bonæ arbori multos fructus ferre, quod vel ex Scripturis sacris liquet. Unum nunc opto, ut quam optimè valeas Tu, quem nunquam oportebat mori; sed quid dixi? Non morieris, sed vives in æternum. Vale igitur et fave
Parisijs 27 Maji/9 Iunij 1657
Servo tuo humilimis
Nicolao Mercatori.
[56/1/63B]
For my much honoured
Friend Mr Samuel
Hartlib at
London
at his house at
Charring-Crosse/
<another hand: [9d?]>
[seal]