| Title: | Copy Letter, Conrad Berg To Comenius, In Latin |
|---|---|
| Dating: | [5?] March 1635 |
| Ref: | 7/94/1A-B |
[7/94/1A]
Ex Epistola Domini Conradi Bergij.
scriptæ [5.?] Mart. anno 35.
Iucundum pariter fuit cognoscere, quæ ex Comenij literis de Modo Scholas facilé & feliciter erigendi inserueras. Esse in illo Viro aliquid singulare, egregia ejus inventio quam in Ianua Linguarum, quam vocat, publicavit, comprobat.
Mea quæ sint aut vota aut conamina tibi jam ante satis constat. In [Analyseios?] <ac> Scripturæ harmania diligentius paulo quam hactenus factum fuerit investiganda maximè nunc exerceor. In his si donet DEUS prius pervenire quo velim, tum fortasse Hymnum meum & Principia Theologiæ Theoreticæ diligentius pauló ac planius elimanda resumserim. Est in iis plus fortè ad rem theologicam & interpretationem etiam nonnunquam Textûs sacri, quam initio aliquis, præconceptis imprimis opinionibus nimium occupatus suspicari queat. (Interim) vix est ut <(isto)> tam rudi (adhuc) opere, in legendo patientiam, in vestigando sensu ac mente [catchword:mea]
[7/94/1B]
mea, sensuumque rationibus diligentiam, in judicanda deinceps æequitatem & [Greek: epieikeidi] qualem velim, à quoquam sperare ausim. Sed qui displicere metuit, aut ægré fert, placere indignus est.
In Concione Funebri (cujus textus est totus Psalmus 39) nuper à me in vicinia habita, Analyseos specimen habetis, qualem in omnibus Psalmis quæro: nec multum dissmilem etiam in aliis Scripturæ libris, ut postrema primis ac mediis certâ partium harmoniâ consentiant./.