| Title: | Copy Petition For Patronage In Hand ?, In Latin |
|---|---|
| Dating: | undated |
| Ref: | 8/63/10A-11B: 11A-B BLANK |
[8/63/10A]
Generosi, Nobilissimi, Honoratissimi, mihi plurimum
obseruandi, Fautores atque Domini gratiosissimi.
Officiorum meorum humillimâ præmissa recommendatione, ut et ardenti pro omnibus ijs quæcunque uobis post Deum, et a DEo exoptare possitis uoto. Æquissimum ac summe consentaneum duxi, ad aliquibus efficacibus et irrefragabilibus demonstrare argumentis, me totum hoc tempus, quo ex amore DEi, et summa super Uisitationem hanc et contritionem Iosephi, hoc est Ecclesiæ Germanicæ condolentia, uos mihi in necessario mei et meæ familiæ uictu, adiumento fuistis et auxilio, non turpi ocio, aut etiam nihili rebus transmisisse. Etenim præter Christianæ meæ uocationis officia quibus DEo obligor et quæ ut [eo?] commodius exequi possem, Piorum et uerè Deum timentium et examplo, me primum in hoc Regnum contuli, tempus impendi etiam ad ea quibus proximis meis, ac potissimum ijs, quorum jam opera in me sustentando Deus utitur in mea præsenti afflictione, inseruire possem. Et quidem Deus Opt Max, qui propositum hoc animo meo indidit, et dona proposito necessaria largitus est, siquidem rei huic in tantum tenedixit, ut ad oculum pateant futura ex eo in his Regionibus commoda; si tantummodo auxilia necessaria huic rei ab hominibus obtineri possint; idcirco ego auxilij huiuscemodi indigus, quo me alio uertam nescio, sed ut ad [Deos?] eos quibus me Deus ipse hisce in Regionibus commendauit, pro hoc auxilio confugiam æquissimum duco. Idque eo fidentius quod ipsi videntes ad oculum me eius rei cupidissimum, quo potius bona cum conscientia honeste, mihi propijs operis necessitatis modernæ parare possim præsidia, quam ut perpetuo alijs de adiumentis et auxilijs sim molestus, me eò magis ipsis a Do recommendari agnoscent. Et quandoquidem ut ex signis colligitur, Deus eam mihi præstare uult gratiam, ipsi quoque DEo suffragabuntur, et quod auxilium hoc mihi factum DEo sit placiturum, et illis vicissim totique illorum Regioni compensandum fore facile conijcient. DEo quidem perpetua gratia, a me uero ijs officijs in quibus unusquisque me requisiuerit, ad quæ me promptissimum ac paratissimum fore polliceor et promitto. Idcirco igitur primo gratijs actis qua decet cum obseruantia, pro illorum prioribus [erga? word blotted] me beneficijs mihi huc usque exhibitis, quorum nomine me debitorem illis futurum profiteor totisque Nobilissimis eorum familijs, cum Familia posterisque meis; adhuc quoque (quanquam non sine aliquo rubore, non minori tamen de illorum bonitate fiducia) obseruanter peto, ut aliqua pecunia summa, promouendis hisce meis rebus
[8/63/10B]
necessaria, ut et meæ cum Familia mea sustentationi, instrui possim. Quo ita usum fructum harum Operarum aliquem habere, ac inde Sustentationem Honestam et decentem mihi comparare possem. Quam quidem pecuniam ego quamprimum potero me redditurum et relaturum promitto. idque summa cum gratiarum actione. Nullus dubitos Vos Nobilissimi et Generosi viri id eo facturos magis, quod sc: Terris vestris ea ex promotis hisce rebus aliqua sequetur utilitas. Quæ ne fallat, sed effectum et quam citissimum suum sortiatur euentum, qui ab omnibus uobis videri possit, me summa cum animi contentione id curaturum promitto. Cuius rei fundamenta in hoc perfecto Instrumento, effectivè fidei bonæ uestræ, et Secreto, jam ut factum est communicare et demonstrare uolui His me Gnositatum Vestrarum fauori, et Patrocinio humilimmè commendo.
Generosis Nobilissimis Honoratissimis Dominis Vestris
ad omnia officia promptissimus et
paratissimus.